La pasciun por la musiga i à condüt adöm l’ann 2006: Gudrun Mayrl (soprann), Irene Clara (soprann), Elisabeth Fistill (alt), Renzo Huber (tenor) y Raimund Pitscheider (bas).

Ai é musicalmënter atifs ti ćiamps plü desvalis. Sides sciöche insegnant de tlavier, musizist/-a de dlijia, dirighënt/-a dl cor, insegnant/-a de musiga, mëmber de grups vocai y strumentai mëndri y maius, solist/-a, la musiga acompagnëia düć cinch sides te süa vita privata co inće profescionala.

Tl ensemble à i cin’ ćiantadus ciafè sö so amur dantadöt por la musiga antica, mo ai é inće daverć ai sonns dla musiga moderna.

Cun ćianties popolares ladines mostri dagnora indô ion sües raîsc.

En ocajiun de cursc de perfezionamënt ài albü l’ocajiun da laurè adöm cun personalitês ezelëntes sciöche Emma Kirkby, Christian Hilz, Bernd Oliver Fröhlich y Ulrike Hofbauer.

N gran sosëgn à ciafè l’ensemble da Monika Mauch; sot a süa diretiva àn bele podü realisé deplü proieć.