Dan ann 2006 incà s’á l’ensemble Pinzimonio Vocale tres indô lascè aldì cun programs de conzerć desvalis. Al ê tòć che gnô ćiantà y ascutà particolarmënter ion y che ti jô ales ćiantarines y ai ćiantadus cun le tëmp tres plü y plü a cör.

Insciö él nasciü le dijidêr da tó sö n valgügn de chisc tòć. Ara se tratâ śëgn da fà na cerna y da svilupé n conzet aproprié por la plata CD. Deache le pröm conzert – te n cer vers l’ora de nasciüda dl ensemble - ê gnü dediché deplëgn a Heinrich Schütz y Johann Hermann Schein, à le grup orü che al rovass sön chësta pröma plata CD tòć de chisc dui componisć. Porchël él la musiga de Schütz y Schein che à la priorité te chësta registraziun.

Les atres operes é gnüdes chrirides fora en basa a n svilup musical–storich dla composiziun de motetes.