La sopranista Monika Mauch à studié ćiantè impröma pro Richard Wistreich tl Istitut por musiga antica tla Scora Alta de Trossingen y spo éra jüda inant cun sü stüdi cun Jill Feldman a Paris.

Te conzerć, registraziuns radiofoniches y de Cds cun grups desvalis se àra spezialisé tla raprejentaziun de musiga antica. Insciö laórera cun grups sciöche le “Hilliard Ensemble”, l’”Ensemble Daedalus” (Genf), “La Capella Ducale” (Köln), l’”Ensemble Europeen William Byrs” (Paris), “Les Cornets Noirs” (Basel), l’orchestra baroca “L’Arpa Festante” (München), “L’Orfeo” (Linz) y cun “Double Bande” sot ala bachëta de René Jacobs.

Monika Mauch à tignì cursc por musiga antica a Ierusalem, Lissabon y pro l’Academia da d’isté a Desproch.

L’ann 2006 à l’ensemble “Pinzimonio Vocale” albü la poscibilité de realisé n proiet cun Monika Mauch, olache al é gnü laorè fora y rapresenté operes de Heinrich Schütz y Johann Hermann Schein. Chësta colaboraziun é jüda inant ćina śëgn y a porté ala realisaziun de conzerć cun operes de Orlando di Lasso, Claudio Monteverdi, Luca Marenzio, William Byrd y Melchior Vulpius.

Plata web: www.monika-mauch.de