Diego Cantalupi é nasciü a Milan y s’à diplomè de chitara cun Mauro Storti; plü inant s’àl dediché al stüde dl’esecuziun de musiga renascimentala y baroca y à tut pert a cursc de liuto tla seziun de musiga antica dla scora de musiga zivica de Milan y tl conservatore da Parma, se diploman de liuto cun la mascima valutaziun.

Al à tut pert a cursc de musiga da ćiamena antica y por acompagnamënt de ćiantarins, organisà dala scora de paleografia y filologia musicala de Cremona, tignis da N. Rogers, E. Gatti, L. Alvini e G. Garrido.

Al colaborëia cun deplü ensembles y direturs, che al acompagnëia cun la tiorba, le arciliuto y la chitara baroca; danter chisc él: Ensemble Zefiro, Alfredo Bernardini; Ensemble Risonanze, Carlo Chiarappa; Athestis Chorus, Filippo Bressan; Accademia de S. Rocco y Venice Baroque Orchestra, Andrea Marcon; Il Proteo, Sergio Azzolini; Cappella Savaria.

Al à fat registraziuns por deplü staziuns radiofoniches europeiches, danter chëstes la RAI, l’ “Österreichischer Rundfunk”, WRD.

Sciöche solist y acompagnadù–continuist àl tut pert a festivals importanć, por ejëmpl “Musica e Poesia” a S. Maurizio - Milano, “Festival de Musiga Antica” a Cremona, “Festival internazional de Musiga Sacra” a Monreale, “Bologna Festival”, “Ferrara Musica”, “Festival de Salzburg”, “Edemes de musiga antica dla fondaziun Gulbenkian” a Lisbona, y i.i. Tl 1996 àl metü sö l’ensemble “L’aura soave”, de chël che al é le diretur artistich.

Plata web: www.diegocantalupi.it